Raghu Contributions

కిమ్మనడం

 అర్థం:ఏమీ మట్లాడకుండా ఉండడం.

పుట్టుక: సంస్క్రుతంలో "కిం" అంటే ఎందుకు, ఏమిటి, ఎలా అనే అర్ధాలు ఉన్నాయి. కిం అనొద్దు అంటే తెలుగులో ఏమీ మాట్లాడొద్దు అనే అర్ధం వచ్చింది.

ఉదాహరణ: ఇస్రో: ఎన్నిసార్లు ప్రయత్నించినా విక్రం, ప్రజ్ఞాన్ కిమ్మనడం లేదు.

సహకారి: Raghu 20231010

రెటమతం

 అర్థం:అందరూ అనేదానికి వ్యతిరేకంగా పెడసరిగా చెప్పడం.

పుట్టుక: రెటమతం అనేది వ్యవసాయ, వాతావరణ విషయాలు చెప్పే ఒక ప్రాచీన గ్రంథం. ఆయ్యల భాస్కరుడు రచించాడు.

ఉదాహరణ: ఆడితో వాదం వేసుకోకు. ఆడిదంతా రెటమతం.

సహకారి: Raghu 20230924

యతిమతం

 అర్థం:చెప్పిన మాట వినకుండా నచ్చినట్టు చేయడం.
(కృష్ణ, గుంటూరులలో)

పుట్టుక: యతి(సన్యాసి) లాగ తనకి నచ్చిందే చేస్తాడు అని తిట్టడం.

ఉదాహరణ: నానమ్మ: అన్నం తినమంటే ఎందుకు ఎతిమతం పోతావ్?
మనవడు: తినాలని లేదు నానమ్మ!! 

బాబాయి: నువ్వన్నా చెప్పొచ్చు కదరా వాడికి?
అబ్బాయి: చెప్తే వింటాడా బాబాయ్! ఎంత ఎతిమతంగా మట్లాడతాడు.

సహకారి: Raghu 20230808

సక్లం ముక్లం

 అర్థం:బాసిపీట,  బాసిపటం, బాసింపట్టు
మటం వేసుకోవడం, అసలుపీట

పుట్టుక: సకలం ముకులం అంటే సంస్కృతంలో అన్ని ముడుచుకోవడం అని.

ఉదాహరణ: ౧) పూజ చేసేటప్పుడు సక్లం ముక్లం ఏస్కొని కూసోవాలి.
౨) నేల మీద సక్లం ముక్లంల కూర్చొని తింటే ఒంటికి చాన మంచిది.
3) సక్లం ముక్లం పెట్టుకొని కూసొండ్రి.

సహకారి: Raghu 20230605

వరగడ్డం

 అర్థం:తలతిక్కగా సమాధానాలు చెప్పడం. (గోదావరి జిల్లాల్లో)

ఉదాహరణ: అమ్మమ్మ: ఆ యబ్బికి వివరం లేదు, ఎప్పుడూ అంతే,
 అలా వరగడ్డంగా మాట్లాడతాడు. నువ్వేం అనుకోకు.

సహకారి: Raghu 20230602